Tá ið vit rustviðgera ein bil, verður bilurin lyftur á einum lyftara, har hjól, innaraskermar og botnplátur verða avmonteraðar. Bremsur og aðrir lutir verða dekkaðir til og proppar tiknir úr botninum, so møguleiki er at sleppa framat rammum og holrúmum.

Síðan verður bilurin viðgjørdur við Mercasol rustverju, sum bæði krýpur og setir seg í metallið. Rustverjan verður sproytað inn í rammur, holrúm, rivur og eitt lag av rustverju verður løgd yvir allan botnin. Síðan verður eitt tjúkt slitlag sproytað omaná rustverjuna, sum verjir botnin og sjálva rustverjuna.

Eftir viðgerðina verða skermar og aðrir lutir settir fastir aftur og hjólini verða spent føst. Síðan verður eitt eftirlit gjørt av úrslitinum, har bilurin verður vaskaður og kannaður, fyri at tryggja at alt er í lagi, áðrenn bilurin verður latin aftur til kunda okkara.

Vit viðmæla, at allir bilar verða rustviðgjørdir áðrenn teir fara út á vegirnar, so at teir eru væl vardir frá byrjan.

Tað er bæði bíligari og skjótari at rustviðgera ein bil frá byrjan, tí tá krevst ongin vasking áðrenn viðgerðina, umframt at klips og skrúur ikki nýtast at verða skiftar út í viðgerðini.

Ein rustviðgerð av einum nýggjum bili kann fyribyrgja at rustur setur seg í metallið á bilinum. Tá ið rustur hevur sett seg, er tað ein kemisk tilgongd í metallinum sum er byrjað, sum illa kann basast, men sum tó væl kann tálmast við einari viðgerð.

Bilar, sum hava koyrt eina tíð, fáa eitt botnvask, áðrenn teir vera rustviðgjørdir. Mannagongdin fyri rustviðgerðina er annars tann sama sum við nýggjum óbrúktum bilum.

Vit bjóða eisini eftirviðgerð, sum er eitt viðlíkahald av rustverjuni á bilinum.Tá ið bilurin hevur fingið eina rustviðgerð, setan vit eitt klisturmerki, sum sigur nær bilurin er rustviðgjørdur, og sum vísir, nær viðmælt verður at geva eina eftirviðgerð.

Rustviðgerðin hevur eitt 3 ára garanti, og eftir at hesi 3 árini eru liðin, mæla vit altíð til at bilurin fær eina eftirviðgerð.

Tá ið bilurin er á vegnum, slítist rustverjan av ísi, salti, lendi o.ø., sum skavar og slítir botnin.Um bilurin javnan koyrir á óasfalteraðum lendi, er tað tískil týdningarmikið at halda eitt vakið eyga við honum, tí tá er vandi fyri størri sliti á rustverjuna.

Vit fáa oftani spurningin um ein skal rustviðgera elbilar. Stutta svarið er ja. Ein El bilur er tað sama sum ein vanligur bilur.
EL bilar fara ígjøgnum eina eitt sindur øðrvísi mannagongd og hædd skal takast fyri ymiskum sum ikki eru neyðugt á bensin/diesel bilum. Hesa vitanina hava vit, og vit verða áhaldandi dagførdir við kunning, sum vit skulu halda okkum til, tá el og hybrid bilar verða viðgerast.

Um bilurin er rustaður, viðmæla vit at sandblása rustin vekk fyrst, fyri at koma inn á metallið, tí tá heftir rustverjan og loysnar ikki aftur vegna rust. Um leysur rustur er innanfyri rustverjuna verður hon leys frá metallinum, og rusturin heldur framm at arbeiða, og ein kann síggja at rustverjan loysnar so við og við longur inn eftir metallinum.